بشرى لساكني البلوجات المجاورة
أيها الشعب البلوجري العظيم .. من دار الإذاعة البلوجية أحادثكم اليوم .. ويسعدني أن أزف إليكم نبأ ولادة ثلاثة بلوجات حديثة ومجاورة دفعة واحدة مع بداية العام الجديد .. وإننا نأمل أن تقوم هذه البلوجات اليافعة في دورها المعهود - اللي إحنا مش عارفين نحدده لحد دلوقتي - بس هو معهود والسلام .. مثنيين على أصحابها وصاحباتها .. واعدين إياكم بمحتوى إبن ناس ..مش أى كلام يعني
البلوج الأول لصديقي اللدود إبراهيم عادل وبصراحة قليلين الأصدقاء اللي بيبقوا ألداء زى إبراهيم كدا !! هيما أصلا متنتور على الشبكة في حوالي 35 ألف منتدى إليكتروني مثلا ولا حاجه .. بس برده أهو مكان يلمه بدل النتورة دي .. على الأقل يرحمنا من غلاسته شويه :P:P:P
البلوج الثاني للأديبة الجميلة مروة أبو ضيف ..واللي كان المخرج بتاع السهرة على النيل الثقافية اللي طلعنا فيها (رابطة نون) معجب بيها إعجاب خاص .. تقريبا مشالش الكاميرا من عليها.. ومروة أديبة حرة .. ترفض الوقوع تحت أسر التصنيفات المختلفة للأدب والفنون زى ما بترفض الحياة بنوع من حكمة ما وفلسفة خاصة ..وفي النهاية القراءة ليها متعة
..البلوج الثالث والأخير هو لصديقي أحمد القاضي باشا ..وقاضي معايا في الكلية بس هو ربنا رحمه ودخل قسم إذاعة وتليفزيون .. عكس المغضوب عليهم في الأرض أمثالنا من بتوع الصحافة ..وقاضي حد مبتكر أوى وبيحاول يخرج بفكره برا الإطار الجامد اللي الناس بتفكر فيه .. غير إنه شاطر في الجرافيكس وشغل اللوجو والإعلانات والجو دا .. فبإذن الله حتستمتعوا ببلوج لذيذ
وهذا نعلن قيام الأفراح ثلاثة ليالي في منطقتنا والمناطق المجاورة احتفالا وسرورا
ودمتم
تعليقات
هيهيهيهيهيهيهيهيهيهيهي
على العموم ، واضح إن حتى شغلك ف الدعاية والإعلان مش قد كده !!! ، لأن ببساطة قدرًا يعني أول ما فتحت المدونة عملت دعاية أحسن منك 100 مرة لفاير فوكس ، بشهادة الناس اللي عدت !!!!
دي دعاية دي ؟؟؟؟؟
عمومًا لسه هندور ف المعجم على صديقي اللدود دي ، والله يسامحك لغااية ما أشوفـك
تصدق
حتعيش وتموت غلس !!
متشكرين يا عم النجم اللامع .. وحدوتة الدعاية
سي يو
زوزتك مين ياد
مش ملاحظ إنك بتستخدم الصيغة دي كتير
الحذار الحذار
سي يو
وهابي نيو بلوج