خمس حاجات محدش يعرفهم عني

وصلني التاج دا من الصديق والزميل أمادو بيه وبأشكره عليه طبعا ، والحقيقة إنه كان وصلني قبله بشهرين مثلا من الزميلة دينا سماحة واعتذرتلها بيني وبينها عن انشغالي على الرد وقتها .. والحقيقة إنه بالإضافة لإنشغالي فالتاج سخيف فعلا كما أجمع اللي ردوا عليه .. بس سبب سخافته مش إن الناس عارفه كل حاجه زى ما قالت مى مثلا .. بالعكس .. سبب سخافته إن محدش يعرف عني حاجه أصلا .. فحتفرق معاهم إيه خمس حاجات زيادة يعني .. يلا مش مهم
في ناس يعرفوا إني بألعب استيماشين .. بس مش كتير يعرف إني ممكن أقعد تلات تيام ورا بعض ألعب استيماشين لو العيال اللي بألعب معاهم حريفه وبأستريح في القعدة معاهم طبعا
لما الدي إس إل بيقع 10 دقايق بأبقى مستعد أقتل أى بنى أدم في سبيل إنه يرجع
لا أطيق الوحدة ، ويربكني البشر .. ومش عارف أعمل إيه
إذا دخلت الجنة .. فسيكون لكى أرى أبي .. ورحمة من الله أولا وأخيرا
أكثر من أكرهه ويغيظني على هذا الكوكب ، هو محمد قرنه
*
*
ومبأمررش التاج لحد رحمة بإخواننا المدونين

تعليقات

‏قال مي كامل
طيب كويس يا محمد ولله
اديني اهو لقيت الاول.. فاضلنا اتنين تانيين ندور عليهم ونبدأ بولة ستيميشن للصبح
ههههههههههههههههههههههههههههه
بس ننقيهم ع الفرازة بقى انت عارفني حريفة ومحبش الاعب عبط يعني

باقي الحاجات اللى قلتها لا تعليق.. بعضها يليق به بعده نقاط والبعض الاخر هرد بكلام مينفعش يتقال هنا

see you around :)

بس اشهد ان البوست كان ابن ناس اوى
"عميق" تحياتي
‏قال Amr Fahmy
يا عم روح اتمرن وتعالى لاعبني استيميشن، بس خمسة في الاول فكرني كانت بتتلعب ازاي

اخر جملة حلوة
‏قال Cheb Amadou
سؤال بس..
انت ليه خلعت عليا لقب البهوية؟
‏قال عين ضيقة
مش هعلق ع التاج

انا هعلق على شعرك
القصيدة الموجودة دى كويسة جدا برغم انى فى نصها افتكرت انك هتمضى باسم فاروق جويدة بس بعد شوية لقيتك حد مختلف من القصيدة بردو

كويس

دا بجد
‏قال محمد قرنه
مى

انتي قدامك تلات سنين مثلا عشان تتعلمي الستيماشين

وعشان تبقي في مستوى يسمحلي ألاعبك


ابتدي اتمرني من دلوقتي ومتيأسيش



:)

ودومي بخير
‏قال محمد قرنه
والله يا عم عمرو إنتا هجاص


بس واحشني يا واد كيك


دم بخير
‏قال محمد قرنه
أمادو بيه

إجابة سهلة

عشان أحرمك من البشوية طبعا يا صديق :)

دم بخير
‏قال محمد قرنه
عين ضيقة

شكلك كدا والله أعلم بتتكلمي على من دون أجنحة أطير

مع إن نار الرسول فوقيها قصيدة برده مش موضوع

عامة من دون أجنحة مكتوبة من حوالي ست أو خمس سنين تقريبا


سأنتظرك


ودومي بخير
‏قال غير معرف…
من يكره نفسه يكره الناس جميعا
‏قال غير معرف…
من يكره نفسه يكره الناس جميعا
‏قال محمد قرنه
ومن قال لك أني أهيم بالبشر عشقا

المشاركات الشائعة