خمس حاجات محدش يعرفهم عني

وصلني التاج دا من الصديق والزميل أمادو بيه وبأشكره عليه طبعا ، والحقيقة إنه كان وصلني قبله بشهرين مثلا من الزميلة دينا سماحة واعتذرتلها بيني وبينها عن انشغالي على الرد وقتها .. والحقيقة إنه بالإضافة لإنشغالي فالتاج سخيف فعلا كما أجمع اللي ردوا عليه .. بس سبب سخافته مش إن الناس عارفه كل حاجه زى ما قالت مى مثلا .. بالعكس .. سبب سخافته إن محدش يعرف عني حاجه أصلا .. فحتفرق معاهم إيه خمس حاجات زيادة يعني .. يلا مش مهم
في ناس يعرفوا إني بألعب استيماشين .. بس مش كتير يعرف إني ممكن أقعد تلات تيام ورا بعض ألعب استيماشين لو العيال اللي بألعب معاهم حريفه وبأستريح في القعدة معاهم طبعا
لما الدي إس إل بيقع 10 دقايق بأبقى مستعد أقتل أى بنى أدم في سبيل إنه يرجع
لا أطيق الوحدة ، ويربكني البشر .. ومش عارف أعمل إيه
إذا دخلت الجنة .. فسيكون لكى أرى أبي .. ورحمة من الله أولا وأخيرا
أكثر من أكرهه ويغيظني على هذا الكوكب ، هو محمد قرنه
*
*
ومبأمررش التاج لحد رحمة بإخواننا المدونين

تعليقات

‏قال Mai Kamel
طيب كويس يا محمد ولله
اديني اهو لقيت الاول.. فاضلنا اتنين تانيين ندور عليهم ونبدأ بولة ستيميشن للصبح
ههههههههههههههههههههههههههههه
بس ننقيهم ع الفرازة بقى انت عارفني حريفة ومحبش الاعب عبط يعني

باقي الحاجات اللى قلتها لا تعليق.. بعضها يليق به بعده نقاط والبعض الاخر هرد بكلام مينفعش يتقال هنا

see you around :)

بس اشهد ان البوست كان ابن ناس اوى
"عميق" تحياتي
‏قال Amr
يا عم روح اتمرن وتعالى لاعبني استيميشن، بس خمسة في الاول فكرني كانت بتتلعب ازاي

اخر جملة حلوة
‏قال Cheb Amadou
سؤال بس..
انت ليه خلعت عليا لقب البهوية؟
‏قال عين ضيقة
مش هعلق ع التاج

انا هعلق على شعرك
القصيدة الموجودة دى كويسة جدا برغم انى فى نصها افتكرت انك هتمضى باسم فاروق جويدة بس بعد شوية لقيتك حد مختلف من القصيدة بردو

كويس

دا بجد
‏قال MHMD KORNA
مى

انتي قدامك تلات سنين مثلا عشان تتعلمي الستيماشين

وعشان تبقي في مستوى يسمحلي ألاعبك


ابتدي اتمرني من دلوقتي ومتيأسيش



:)

ودومي بخير
‏قال MHMD KORNA
والله يا عم عمرو إنتا هجاص


بس واحشني يا واد كيك


دم بخير
‏قال MHMD KORNA
أمادو بيه

إجابة سهلة

عشان أحرمك من البشوية طبعا يا صديق :)

دم بخير
‏قال MHMD KORNA
عين ضيقة

شكلك كدا والله أعلم بتتكلمي على من دون أجنحة أطير

مع إن نار الرسول فوقيها قصيدة برده مش موضوع

عامة من دون أجنحة مكتوبة من حوالي ست أو خمس سنين تقريبا


سأنتظرك


ودومي بخير
‏قال غير معرف…
من يكره نفسه يكره الناس جميعا
‏قال غير معرف…
من يكره نفسه يكره الناس جميعا
‏قال MHMD KORNA
ومن قال لك أني أهيم بالبشر عشقا

المشاركات الشائعة