!! عزيزة دي تبقى خالتك

حملة ميلودي الإعلانية .. كلاكيت تاني مرة

كنت هاجمت قبل كدا حملة ميلودي أفلام الأولى بمقال عنيف في الجرنان الفقيد العزيز الحلوة قبل كدا ، وحتلاقوا لينك للمقال هنا ، وفعلا ربنا رحمنا ورحمونا من الحملة شوية .. قبل ما يرجعولنا لتاني مرة ببداية الحملة الإعلانية الجديدة اللي بدأهوا بالكليب التالي مع تغيير البطلة وظهور إبن ملون













والبنت الجديدة اللي ظهرت في الحملة دي يقال إنها خطيبة إبراهيم سعيد لعيب الكورة بعد طلاقه من مراته ، وطبعا المخرج خلاها تستمر على خطى بطلة الحملة الأولى من تنطيط حاجات محددة ومعروفة وإبرازهم كما يجب ، ولو مش مصدقين شوفوا الكليب دا من الحملة الأولى






وطبعا لازم حبة قلة أدب زيادة في الآخر وإيدين الواد بتنزل على ضهرها ، ودا كمان من الحملة الأولى






بس النهاردة الصبح لقيتني بأضحك بجد وأنا بأتفرج للمرة الأولى على الكليب التالي في نفس الحملة السخيفة






والكليب دا ضحكني بجد لكذا سبب الحقيقة

منهم شكل الواد المسخرة بتاع فظيعة و جميلة

ومنهم برده وش الواد بطل الحملة وهو بيقولها دي مش ملل خالص

وأكتر حاجه ضحكتني لما البت بتقوله دي زهقتنا يا عم طالعة تقول اسمها في كل أغنية

ولما البطل بيضرب الواد المسخرة اللي في الأول ويقوله عزيزة دي تبقى خالتك

+ إنه شعور ظريف إن مفيش كلب ظهر في الكليب متضربش على وش أمه بالقلم

*

ودانا - بعيدا عن كلمات أغانيها اللي بيكتبهالها الحاج أبوها وواضح إنه فرحان بيها أوي - ، دانا مش أول مرة تعمل كليب دعاية لميلودي حيث إنها ظهرت قبل كدا برده في دعاية ميلودي تريكس






ولا مستغرب من دانا إنها تعمل إعلانات للشركة اللي ليل نهار بتذيع أغانيها ، هي الحياة ماشية نفعني وأنفعك ، بس اللذيذ وأنا بأدور الصبح على كليبات ميلودي على اليو تيوب لقيت الكليب دا

ملحوظة مهمة : ممنوع الفرجة على الكليب التالي لمن هم دون الدون القانونية ، اللي معرفهاش أد إيه الصراحة




مكتوب على اليو تيوب إن هي دي البت بتاعة ميلودي ، وهي ملامحها قريبة منها وإن كنت مش متأكد الصراحة فمقدرش أظلمها ، بس لو كانت هي فعلا فأحب أقول لإبراهيم سعيد ربنا يتمم بخير يا هيما !! البت وتكة وتكة يعني :)
!! وأخيرا يا بشر بتوع ميلودي عملوا حاجه ضحكتني

تعليقات

‏قال Amir
يا راجل دانت ماخدتش بالك م الكوارث الجديدة لانج لميلودى

أجدد إعلان ل"ميلودى تتحدى الملل"
اعلان ميلودى الجديد "القزم - المعاكسة" (إلعب)
http://www.youtube.com/watch?v=N8qGADh6McI
أو ده
http://www.youtube.com/watch?v=qD6Rw6bXAFk

وتخيل إن فيه إعلان لميلودى ممنوع من العرض!!! (أخيراً عرفوا يمنعوا واحد)
شوفه وإنت تعرف إتمنع ليه.....
http://www.youtube.com/watch?v=wj2V6N73gN0
أو ده
http://www.youtube.com/watch?v=qDIfakOr174

وآخر حاجة كده ع الماشى...
مذيع ميلودي تريكس بيتريق على الزمالك والاسماعيلى (صباح الحيادية)
http://www.youtube.com/watch?v=h94WqZ1dJY8
‏قال غير معرف…
البنت هي هي على الاغلب يامحمد

لان مش معقوله الشبه

اولا - ف تقاطيع الوجه

ثانيا- ف الجسم ومواصفاته ( العاليه )

يكون اد كدا بين بنتين

وكمان يكونوالاتنين بالروح الرياضيه دي

!!!!!!



مش معقوله يعني


فمظلمتهاش ولاحاجه ياعزيزي

وصلي ع النبي
‏قال محمد قرنه
أمير

شوفت الكليبات دي برده قبل كدا

شكرا على مرورك


غير معرف

برده الله أعلم

وعليه الصلاة والسلام

شكرا لمرورك

المشاركات الشائعة