والله العظيم قلة أدب !!
واحدة كانت معايا في اجتماع الجرنان اللي فات معرفش اسمها لحد دلوقتي !! كانت بتتكلم على جراج رمسيس والمشاكل اللي بتدور حواليه دلوقتي وإنهم أوقفوا العمل فيه وغالبا حيهدموه !! طبعا الموضوع مجذبنيش أوي وحسيتها بتهذي ( ممكن دا يعتبر نوع من الاعتذار ليها ) ، المشكلة بجد إن يطلع الموضوع حقيقة !
وإنه يصدر قرار من طويل الوزراء نظيف بهدمه
وإن أخبار اليوم تنشر التحقيق على الصفحة التالتة كلها في عددها اللي فات
البنا استلزم لحد دلوقتي 32 مليون جنيه اتدفعوا خلاص !!
ولسه فاضل 5 ملايين جنيه حيتدفعوا عشان يهدموا أم الأدوار اللي فوق الأرض
وكله طبعا من فلوس الضرايب وفلوس الشعب وفلوس هيئة السكك الحديدية
يعني 37 مليون جنيه
اتبخروا
ولا كأنهم كانوا موجودين أصلا
وعليه العوض ومنه العوض
لو كنا في دولة محترمة
كان التحقيق في الموضوع دا يشيل على الأقل تلات أربع وزراء ومسئولين بالإضافة إلى محاكمتهم
بس لو تفتح عمل الشيطان
وإحنا أمة إسلامية يا جماعة
الشيطان عدونا
حاجه تقرف
تعليقات
فيه امل الجرايد تنضف نسبيا.. اما عن قلة الادب فعادي.. ايه الجديد ماحنا طول عمرنا عارفين اننا بنتسرق.. تعرف لو حد ادالنا حقنا اصلا بعدل ربنا هنستغرب ومش بعيد نتهمه بالنصب.. ان مكناش نتسرق نبقى مش عايشين حياة طبيعية..
حسبي الله