تلعن في البشر




"‎
لما بتبص في عينين دافيين وتسرح في الجمال
لما يبقى الرد حاضر قبل ما تقول السؤال
والخيال يصبح في إيدك شيء طبيعي ومش خيال
يبقى حلمك جمب قلبك في اليمين مش في الشمال

لما بتقابل غناوي الصيادين والكون بطيء
لما بتعدي على الأحلام ومتنشفش ريق
لما تختار الطريق في البحر وتشق الطريق
يبقى لازم تعرف المطلوب وتختار الصديق

لما تقعد في الفراندة في الصباح ويا الشجر
تسمع الألحان تزغرط بالغناء المبتكر
والعصافير للي مالية الكون بتضحك بالنظر
يبقى لازم تهجر الجدران وتلعن في البشر
‎"

التعليقات

المشاركات الشائعة